مقدموندن عالم امکان بها اخذ ایلدی
گل وجودین خلق اولاندا مرحبا اخذ ایلدی
چشم یعقوب زمان نور و ضیا اخد ایلدی
خضر آدین تا سسلدی آب بقا اخذ ایلدی
حضرت داوود سندن خوش صدا اخد ایلدی
کیمیاسن شهرتین سندن طلا اخذ ایلدی
عاشقان سردرگمیدی مقتدا اخذ ایلدی
عارفان سیر و سلوکه رهنما اخذ ایلدی
دردمندان دردلری جمله دوا اخذ ایلدی
بی کس درمانده لرده آشنا اخذ ایلدی
شیعه لر عالی امام و پیشوا اخذ ایلدی
طائرم روحوم بو مدحتده صفا اخذ ایلدی
مهدیا نور علی سنده اولوبدور منجلی
عرشیان و فرشیان سسلور اوین آباد علی
- پنج شنبه
- 26
- اسفند
- 1400
- ساعت
- 15:52
- نوشته شده توسط
- طائر
- شاعر:
-
طائر اورنگی
ارسال دیدگاه